【奇招吸客】
【本報訊】「免費睇世界盃」昨凌晨暫時畫上句號，球迷無奈之際，卻是通宵食肆、酒吧大收旺場之時。《蘋果》記者昨凌晨在旺角一間茶餐廳，直擊意大利對哥斯達黎加的賽事，昨凌晨零時開賽前，茶餐廳已提早爆滿，店方臨時劃出企位區吸客，30元入場包一杯飲品站着睇波，結果有不少球迷幫襯，企足90分鐘，場面墟冚。
記者：林 熊 潘婉玲 周子惇
設企位睇波區的銀龍茶餐廳鄰近旺角港鐵站，店內裝了七部大電視機，世盃開鑼後茶餐廳將一半範圍劃為睇直播球賽區，更推出40至50元的足球套餐，但早前大部份賽事有免費直播，生意麻麻。不過，昨凌晨暫停免費播波，店方亦預算有球迷幫襯，將全店闢為「足球區」，又取消消夜時段，在門外貼出通告，列明每人入場最低消費40元，包小食及一杯飲品，其他食物另外收費。
未來幾日考慮加價
記者現場所見，開賽前半小時，茶餐廳130個座位已坐滿，有球迷到來看見滿座失望離去，急急另覓場地。賽事展開後，遲來的球迷發現滿座，十分失望，其間茶餐廳變陣，臨時加設企位區，每人付30元便可「企住睇」，店方會提供一杯飲品，有球迷不想另找其他地方錯過賽事，即時付錢看直播。
在企位睇波的姓曾青年指，家中無安裝收費電視頻道，所以約友人到茶餐廳看意大利隊，但遲來一步要「企住睇」。姓梁球迷則預早前來，他指在茶餐廳睇波可順道食消夜，氣氛好、夠熱鬧，日後其他賽事會繼續幫襯。
世界盃開鑼第九日終於出現滿座場面，銀龍飲食集團執行董事鄧秉雄稱高興，指今屆賽事銀龍以15萬元訂購收費頻道，安排旺角等4間分店播足64場比賽。他指過去一星期入座率奇差，較上屆世盃賽事減少五成，管理層每日透過手機群組監察該4間分店入座率，本周一阿根廷的賽事亦無直播，但旺角店僅有一半入座率。不過昨凌晨起所有分組賽及16強賽事都無免費直播，終於出現首次滿座場面，他有信心未來幾日較強戲碼賽事吸引更多球迷，屆時考慮加價。
沒有訂購收費頻道的九龍灣奇興茶餐廳老闆盧先生稱，上周有免費波直播期間，生意的確上升一至兩成，「現時無咗免費波，生意跌少少」，由於無訂購收費頻道，所以「唔恨得咁多」，更重申訂購收費頻道成本達10萬，擔心一成生意升幅最終未能填補昂貴費用。
識睇 一定睇蘋果嘅足動世盃：
http://worldcup2014.appledaily.com/