普選方案全民投票短短兩日已有數十萬人投票，當中不乏一些未必認同佔中，但覺得必須捍衞港人民意的人士。藝人歐錦棠前日在facebook貼文，直言縱使不滿佔中行動流於「齋講」，但面對政府用人唯親、言論及表達自由不斷收緊，最後仍決定投票，形容投票是「真正香港人就集結力量，表達態度」，呼籲市民一齊投票。
歐錦棠在貼文中不諱言「老實講，佔中畀嗰三條友不斷重複又重複咁齋講，雷聲大、搵滴雨都冇，曖曖昧昧，一早就唔睇佢哋臺戲，加上投票無啦啦整幾條選擇方案，可能我教育程度低，我真係中文都睇唔明，仲叫我撐佢？」但他說前晚完成第一場舞台劇後，仍到港大民調網站投票。
「集結力量，表達態度」
他稱投票是要以「真正香港人身份表達態度」，不想再看到明目張膽的官商勾結、梁班子亂用市民血汗公帑填補劣政、「衰完一鑊又一鑊仍然用人唯私」、警方漸成政治工具、言論及表達自由不斷收緊，巿民怨聲載道，但政府卻不聞不問，呼籲市民投票，「你哋仲等乜嘢？仲想衰到點？今日，係真正香港人就集結力量，表達態度，一齊投票」。
【我撐公投】網頁:
http://622popvote.appledaily.com