世盃嘅魅力，大到可以令傷殘人士重獲健全？有位原本坐喺輪椅嘅巴西女粉絲，喺巴西對克羅地亞場揭幕戰，睇到興奮時竟然企起身（圖），實情佢係扮傷殘呃波飛，因為FIFA喺世盃前推出少量優惠傷殘人士及學生嘅較平波飛。另外，世盃球場除咗有傷殘座位，FIFA今屆仲合共增設咗4,676個加大碼座位，闊度亦係普通座位嘅一倍。買呢類座位必須出示醫生證明，證明自己BMI達30或以上（25或以上已屬肥胖）。雖然票價係普通位嘅一倍，但就可以帶同一個朋友免費入場作照顧，仍稱得上划算。
識睇 一定睇蘋果嘅足動世盃：
http://worldcup2014.appledaily.com/