【6.20-6.29投票】「為這黑與白這非與是真與偽來做證。」為期10日的和平佔中全民投票，昨午12時正式展開。向來標籤為政治冷感的一眾娛樂圈藝人上下一心，勇敢站出來在網上進行投票，並呼籲大家響應，為香港爭取民主公義。
當電子公投昨日正式啟動後，社交網站facebook、Instagram甚至微博，都瘋貼多謝投票的相片，連一向被標籤為政治冷感的藝人亦加入投票兼貼圖行列，電視藝人、電台DJ、歌手、幕後電影人及新晉𡃁模紛紛響應，包括黃秋生、何韻詩、艾威、林二汶、藍奕邦、盧凱彤、商台DJ少爺占、當奴、小儀、朱薰、茜利妹、劉雅麗、梁柏堅、黃修平、蔡穎恩（Evelyn）、何思諺（Leanne）、Mr.成員Alan、鄭文、新城嫂許雅婷（Kabby）、填詞人兼插畫師小克等，大家身體力行呼籲各界行出第一步，為普選出一分力。有份投票的秋生在電話中說：「我覺得佢哋（政府）感受唔到，你有你講，佢有佢做，你睇到𠵱家咁多件事都係咁樣，好似吳亮星喺會議上嘅態度，直頭當自己屋企一樣。」
少爺占：快手去投票
90後的Kabby亦說：「係時候要出聲，我怕香港人會變『白皮豬』，經過呢幾日黑暗日子，我哋唔可以再低頭，身為香港一分子，要爭取應有嘅，我都鼓勵朋友去投票。」向來搞笑的少爺占還幽默地留言說：「黑客lunch time， 快手！『詩car tsui撩痴wu fan，cry dan tsui肚飄！（黑客去了吃午飯，快點去投票）』」小儀則說：「今天只做一件事！」Evelyn為香港的未來而呼籲大家，她說：「才幾個小步驟，都是大力量的一分子，票已投。」
Alan要盡港人責任
身在新加坡的Mr.主音Alan昨透過WhatApps留言：「我是香港人，香港是我家，要盡香港人責任。」向來敢言的張敬軒昨日亦投了票，之前他在葵涌綵排音樂會，被問到投票的意向時說：「我要先了解情況，雖然我唔係喺香港出世，但係都喺香港生活、香港納稅，我同意大家應該理性爭取自己嘅訴求，見到因為訴求而受傷或者被捕，覺得好心痛，我相信請願人士只係想表達訴求，而唔係想激進，政府應該放低身段去聽民意，再好好想辦法。」
採訪：張曦彤
【我撐公投】網頁:
http://622popvote.appledaily.com