【本報訊】國務院早前發表《「一國兩制」在香港特別行政區的實踐》白皮書令不少人十分擔心一國兩制已死，激起不少的香港人用全民投票向白皮書說不。
「港人唔出嚟爭取就玩完」
52歲的學校文員吳小姐指白皮書是向港人宣戰，「好似梁愛詩之前講咁，開頭就對你客客氣氣，𠵱家就梗係唔客氣啦！不過都要多謝白皮書，因為以前香港人唔會咁積極」。57歲退休人士許先生認為白皮書是幫了全民投票一把，「白皮書令香港人感覺到危機感，原本擁有嘅嘢減少緊，所以香港人一定要企硬，靠自己選自己嘅政策，港澳辦話非法都預咗，最緊要係香港人要表現決心，畀訊息北京睇我哋要真普選」。
而鄭先生則表示白皮書是多人參與全民投票的關鍵原因，「白皮書同香港人講再唔會有一國兩制㗎啦，如果香港人唔出嚟爭取就玩完，到時真係死梗，𠵱家咁多人投票唔到佢唔認」。任職零售52歲的許先生覺得白皮書令港人不滿的情緒升溫，「共產黨𠵱家當香港人係儍仔，咁樣係搬龍門，如果好似白皮書咁行，就等如喺香港行中國憲法，到時個個香港人做晒李旺陽同劉曉波，我哋一定要企出嚟投票！」
識睇 一定睇蘋果嘅足動世盃：
http://worldcup2014.appledaily.com/