【壹週刊】有家長因為女兒獲派拔萃小學，高呼「開心過自己結婚」，不枉舉家由新界遷到九龍塘云云。「而家啲中產驚下跌嘛，所以焦慮。」社會階梯下跌比股市下跌更可怕。
蔡寶瓊生於板間房、讀聖心、入港大、再到牛津唸博士，現時是中大教育行政及政策系副教授，很典型的「上流」故事。但她說那是歷史的偶然，「社會流動唔係單憑個人努力，咁啱八十年代社會結構改變，多咗中產位置。如果我生於呢個世代，肯定冇辦法上流。」
入名校唔保證「上流」，孟母三遷豈非枉費？「唔可以話佢哋唔理性，至少滿足咗虛榮心。家長嘅理性只限於對細路前途嘅考慮。但我想講，政府就好唔理性，仲要將呢個遊戲推得再極端啲。」
她反對直資，但校園內不公義的，又豈止直資。有學校要求老師簽署聲明，保證自己唔搞gay亦唔搞婚外情；又有學校當眾宣讀「疑似拍拖」的學生名單。偏偏手執刀刃的以為自己是正義超人，「除咗神之外，有邊個可以話自己就係『正確』？」而她本身是無神論者。
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android