【毅行點滴】
每日背着重重的攝影器材，跟隨天主教香港教區榮休主教陳日君樞機，朝8晚8苦行行足七天的成啟聰（圖左），曾經想過「行完又會點」，但認為好過坐以待斃。沿途聽到不少冷言冷語，甚至被質疑「收咗錢」，但之後總會有支持民主的市民打氣。相機拍下毅行者的汗水、笑容，也記下我城爭取普選的歷史。
「冇理由我捱唔到」
自由攝影師成啟聰表示，行足七天很大程度是受到可愛、反叛及善良的陳日君樞機感召，「佢真係身體力行，好有吉士（guts），人哋畀水佢唔飲，叫佢休息佢唔肯」。82歲的老人家也堅持行到最後，「冇理由我哋少少腳痛捱唔到」。
沿途他拍下不少相片，其中一張他最喜愛的，是修女為爭取公義上街，「喺香港教會修女一向企得較後，修女上街係少之又少」，令天主教徒的他為之動容。
腳痛不算甚麼，見到香港人分裂，有人連傳單也不屑一顧，有人破口大罵毅行人士，才令他感到悲哀。「人係要平等，有平等機會，平等政治權利，冇邊個話有特權。你唔講嘢以為可以平安生活，下一個可能輪到你」。
《蘋果》記者
【我撐公投】網頁:
http://622popvote.appledaily.com