九龍東醫院聯網總監及聯合醫院行政總監雷操奭，下月一日就退休。佢噚日同傳媒茶敍時，講番過去30年喺公立醫院工作嘅難忘事。印象最深刻係2005年，喺明愛醫院做麻醉科醫生時，搶救遇襲重傷嘅警員朱振國。
話說當時朱振國頸部大動脈俾利刀割破，大量失血，送院時一度冇心跳。入到急症室，因為頸部流血同腫脹，即時急call雷醫生到場幫手插喉，幫助朱振國呼吸，等急症室醫生可搓心搶救。朱振國送到手術室時，都係由佢負責作麻醉程序。見到有年輕警察遇襲受傷，雷醫生覺得好可惜，一直念念不忘， 正所謂「醫者父母心」，希望朱振國可以康復。
【我撐公投】毅行直播
網頁: http://622popvote.appledaily.com