肥 頭：
噚日又唔中，世盃打咗咁多日，我差唔多衰足咁多日！
艇仔張：
你噚日買咩呀？
肥 頭：
荷蘭囉！第1場大炒西班牙，諗住[-1]「客勝」穩啦，點知……
艇仔張：
都話你經驗唔夠，我個friend問我，叫佢買入球「大」，下半場開波冇耐已收錢。
德 叔：
艇仔張，你講荷蘭，咁我又真係估唔到巴西贏唔到，第1場打得咁好，仲諗住買佢哋冠軍㖭！
肥 頭：睇嚟似德國㗎啦，德叔，重注啦！
艇仔張：
我就覺得𠵱家真係好難估，話唔定大家覺得首場打得麻麻嘅阿根廷，之後越打越好呢？
肥 頭：話時話，阿根廷我真係一場都睇唔到。
德 叔：點解呀？
肥 頭：你唔知阿根廷小組3場比賽，免費電視都冇直播咩？
德 叔：之後對伊朗同尼日利亞都冇得睇？
艇仔張：冇㗎，得收費台先睇到。
肥 頭：
有乜理由小組第3輪生死戰，一場都冇得播呢？
德 叔：
唉，其實好似以前咁冇分收費同免費台咪好囉。
艇仔張：
哈哈，咪係，肥頭，你同我都趁呢個時候休息吓先啦！
肥 頭：
唔得，4年1次點都要睇多啲，最多問吓朋友有冇收費台囉！
識睇 一定睇蘋果嘅足動世盃：
http://worldcup2014.appledaily.com/