昨日葉蘊儀就喺facebook講咗一篇同622公投有關嘅文章，立即就成為咗網民嘅女神，仲有網民話一直都低估咗蘊儀，睇番蘊儀嘅過去，大家就知，真係唔可以睇小佢。
蘊儀於86年獲星探發掘入行，拍咗個廣告之後就成為咗影圈嘅搶手貨，喺中學畢業之後仲去埋日本發展出碟，推出個人專輯，更曾獲日本頒發「最受歡迎外國女星」。1990年嘅時候仲喺日本、韓國同獲「最受歡迎外國女明星第一名」。佢喺電影《孔雀王子》中飾演阿修羅，靚到家陣都有好多人記得。
95年，蘊儀同玩具富商陳柏浩閃電結婚，退出娛圈。可惜喺99年蘊儀陀住細女嗰時，陳柏浩被爆有外遇，最終兩個等細女出之生後，喺2千年中離婚，撫養權歸女方。
離婚後，陳柏浩沒有依從協商給葉蘊儀贍養費，搞到要在法庭上解決，人財兩失的葉蘊儀，更慘被前夫公開爆閨房性史，最後蘊儀決定獨力撫養一對仔女。為咗賺錢養家，蘊儀做過時裝店文職等工作，不過收入始終掹掹緊。
之前有報道就話，蘊儀真係為咗錢乜都肯做，幕前幕後乜嘢崗位都冇所謂，幸好佢有一技之長，就係對紙黏土同陶瓷都有研究，後來兼職教人造紙黏土，之後更瞓身全職去做，靠自己勞力和毅力搵到第一桶金。
2012年，蘊儀同幾個朋友喺尖沙嘴開咗間藝術教室，親自做老師收學生，又出售作品賺錢，更自強不息，07年喺香港藝術學院取得文憑，去年更在澳洲墨爾本理工大學完成純藝術碩士課程，其作品早前亦有份入選第八屆拉古納國際藝術獎，進入最後30強。
蘊儀早前接受訪問時，曾經話:「唔會好想結婚，因為維繫一段婚姻唔容易，我唔可以話女人唔需要男人，只能夠話，除咗家庭，女人要有自我。」
所以昨日蘊儀講出622公投嘅說話，都冇人話佢係為咗抽水而講，不少網民都讚佢係一個有自己想法嘅師奶。
【我撐公投】毅行直播
網頁: http://622popvote.appledaily.com