身為閃卡男主角的陳冠希（Edison）日前在社交網發「通緝令」，事關有男網友在Instagram狂寸他：「我已經見過你的小陽具，它只是牙籤般大小。」不甘被嘲笑是「牙籤陳」的Edison反罵對方是豬。
昨日Edison現身尖沙嘴出席旗下潮店Juice新舖開張，身為老闆的他不但收斂怒火，還極度合作地接受訪問。
「冇逼人睇我啲嘢」
對於被寸是「牙籤」，Edison捍衞面子為自己平反說：「大家做決定，我唔係。」怕唔怕被標籤為「牙籤」？他笑說：「冇所謂，男仔知呢啲嘢。」還語出不文說：「牙籤係用嚟放入口嘅，佢哋咁樣諗起我，我多謝佢哋。我冇逼人睇我啲嘢，睇完點解咁負面？嗰度係一個positive嘅地方，啲人講嘢唔使露面，我就輸梗。」
Edison在網上人肉搜尋男網友，是否網上欺凌？他說：「佢哋講嘢negative唔負責任，我歡迎啲人喺我面前講，網上講好小朋友feel，面對面就可以溝通。」如果見到這位網友會否鬧對方？Edison坦言：「可能會，但起碼我每次講嘢都負責任。」
畀面撐場的好友徐濠縈，亦力挺Edison說：「網民評論係惡意攻擊，唔好畀反應，唔好蝕底。其實好小事，我叫佢唔好回應（網民），你嬲，佢哋仲開心。應該大方扮睇唔到。佢咁靚仔，唔諗牙籤都諗到佢，我日日都諗起佢㗎，因為喺ig見到嘛，不過呢，牙籤都係日日用嘅。」
採訪、攝影：林嘉慈
【我撐公投】毅行直播
網頁: http://622popvote.appledaily.com