【6.20—6.29投票】
中產不只是一種生活態度，也是一種思考模式。面對政府管治不善，小業主們不約而同以屋苑比喻我城，交管理費有如納稅，為家園着想，就要以選票表態，別讓法團代表與管理公司任意妄為，也拒絕接受發展商佔盡業權份數的「假普選」，法團選舉如是、政改如是。親身經歷，令他們覺醒到「你不搞政治，政治遲早都會搞到你」，「今日唔出嚟投票，第時出事先要生要死，就冇意思」。
記者：朱雋穎 陳凱迎
「除非人民團結，否則冇可能改變現狀。一個社區係咁，一個城市亦一樣。」自稱中產師奶的曾麗文，娘家在老牌屋苑美孚新邨。若不是住了40多年的家，受屋苑翻新工程影響而滲漏，她樂得做個沉默的中產，「自細阿爸就教我哋，只要讀好書、搵份好工，所有嘢就可以平穩發展，但𠵱家好多嘢都變咗」。
為子女設想 爭取真普選
她於美孚的家雖然樓齡高，但在屋苑「優化」工程前，一直無滲水問題。她先向管理公司投訴，得不到正面回覆，就向區議員及業主立案法團求助，卻發現兩者即使是業主一人一票選出，也因發展商佔最多業權，根本是「假普選」，「以前以為佢哋好可信，但原來係一條龍搵食嘅！」為討回公道，她與管理公司對簿公堂又在屋苑派傳單、到發展商總部外抗議，召集其他居民團結。
她形容香港的處境與美孚新邨很相似，「管理公司唔到我哋揀，只會越來越多問題。6.22投票係最低程度嘅參與，最唔使成本，我哋唔可以只靠代議士去爭取，一定要自己企出嚟」。若政府最終推出不符國際標準的方案，也千萬不可「袋咗先」，「千祈唔可以再亂行，寧願拉倒重來」。
香港業主會會長佘慶雲也將香港社會比喻為一個屋苑，認為屋苑選法團代表，身為業主都有責任投票，以保障自己的利益，何況一個社會要決定如何選出自己的管治者，「你唔滿意一個屋苑法團，都會出嚟投票啦，就係咁簡單」。
三個候選方案中，佘慶雲支持公民提名必不可少的學界方案，「一係唔爭取，一係就要爭取個最徹底嘅，咪同我講話乜仲要睇阿爺面色、阿爺唔會畀」。他認為，着眼於提名委員會如何組成，是將簡單問題複雜化，「總之大家都有權提名，你有本事嘅咪去攞（足夠提名）囉，點解要由區議員、立法會議員幫我篩選？」
訪問時佘慶雲越說越勞氣，泛民分裂最叫他失望。近年勞氣得多，佘慶雲開始考慮移民，「納稅就好似交管理費咁，你交咁多錢，間管理公司𠵱家都表現得咁差，仲交嚟做乜？」
佘慶雲認為，爭取真普選，不只是為了一群中產，更是為了他們的子女設想，而年輕人更應為自己的將來，出來投票。他兒子今年剛滿18歲，一家三口都計劃參加全民投票，「你今日唔出嚟投票，第時出事先要生要死，就冇意思」。
【我撐公投】毅行直播
網頁: http://622popvote.appledaily.com