「地係用嚟種嘢，唔係用嚟買賣！」電影《竊聽風雲3》內一句對白，說中了新界東北居民的心底話。三個東北人物，每次記者會都哭得失控的馬屎埔村民Becky；爬上天橋高舉直幡，被捕後直言「我係犯法，但冇罪！」的財哥；在立會跪求張建宗的石仔嶺老人院梁伯，訴說衝擊背後，堅持捍衞家園的原委。
「住喺城市嘅人可能成日搬屋，覺得係冇乜嘢所謂，對農夫嚟講唔係囉」。區晞旻（Becky）的祖父母在五十年代來到馬屎埔開田建屋。60年間，同一塊土地，養活三代人。「經營呢片農田，要摸好耐，水土係點樣，建立好社區網絡……爺爺嫲嫲用咗成世嘅努力，先得出呢個屋企」。
「做農夫仔女係好幸福」
29歲區晞旻的家，以鐵皮搭建而成，屋旁種了數棵大樹，窗外是農田，廚房放滿瓜菜。一家人每日都在家煮食，三餸一湯，除了米和肉，瓜菜都是自己種的。「做農夫嘅仔女係好幸福嘅事」，她笑說：「食嘅嘢係爸爸媽媽一手一腳種嘅，唔會（用化學農藥）毒死你。」
收地危機早在九十年代開始。「同學問我，係唔係收（地）到你屋企？」她不懂回答，晚上躲在被窩飲泣。不久，鄰村的田地開始荒廢，轉眼間變成高樓大廈；後來連鄰居也被逼遷，發展商找來鑽探機，每日在她家旁邊「轟、轟」鑽地。媽媽受不了壓力，偷偷哭起來，區不斷問自己，「我哋做錯咗乜嘢？」四年前她放棄寫字樓的工作，與朋友回馬屎埔創立馬寶寶社區農場，實踐以耕種連繫社區，區內學校、居民定期向她們訂菜，「我覺得最大得着係同條村近咗好多」。財委會撥款通過，工程車最後駛到家門前，怎辦？區晞旻想了一會，「我屋企會冇咗，生計會冇晒……」，說到這裏，她又哭了。
識睇 一定睇蘋果嘅足動世盃：
http://worldcup2014.appledaily.com/