49歲的坪輋村民張貴財（財哥）， 上周五爬上立法會停車場對出天橋掛上巨型直幡（圖），事後被警方拘捕，更被建制派抹黑成「暴民」。「唔應該叫衝擊、暴力，而係反抗！」財哥有點激動，「我哋文字上、吶喊，同你（政府）面對面傾都冇用，只有反抗」。
6月13日，財哥被帶上警車。太太即時打給他，第一句問「你爬咁高做乜？」財哥不知怎答，太太又說，「搞掂早啲返嚟（屋企）囉」，兩公婆心領神會。「起碼佢冇叫我唔好再做，好支持我。」他笑說。兩年前，財哥仍是個不問世事的「鄉下佬」，正職是泵車司機。家中的石屋在爺爺一代買下，上下兩層，有三間房，一家十口，出世便住在這裏。
「政府嘅無形暴力 恐怖千萬倍」
「喚醒」財哥的，是從村口的抗議橫額中得知政府收地。「有冇搞錯，我住咗幾十年，公眾諮詢去到第三期都唔知」。地產商早在區內瘋狂收地，配合政府興建豪宅，連陳茂波也被踢爆有份囤地。「即係搶緊我哋納稅人錢，呢個乜世界嚟？」
爬上立法會天橋上蓋，財哥事前沒與人商討，「原本打算每一個嚟到嘅香港人，可以同我講佢嘅訴求，我就即場寫低掛滿晒佢（立法會）」。現在卻遭警方控告。
財哥說：「電視成日話我哋暴力，實質上政府畀我哋市民嘅無形暴力，更加恐怖千萬倍。」
識睇 一定睇蘋果嘅足動世盃：
http://worldcup2014.appledaily.com/