「因為堅持，才有希望。」這是馬尼拉挾持人質慘劇的寫照。人質事件造成八死七傷，李瀅銓與其他死者家屬和傷者多年來堅持追究，「為死難者討回公道，係堅守嘅信念」。就如普選路遙遙，也不會放棄，「惟有靠我哋自己，爭取應有嘅權益，香港先有屬於自己嘅未來」。
早前，李瀅銓響應「發SING」，與戰友謝志堅兄弟站在街頭唱《問誰未發聲》，為港高歌，「第一次聽，印象已經好深刻，由童稚嘅女聲唱出心聲，純潔嘅聲音對照今日複雜嘅社會，聽住，有一種心痛嘅感覺」。歌詞第二句「都捨我其誰衞我城」，她說：「我城呢兩個字，意義重大，以前係英國嘅殖民地，借嚟嘅地方，大家過客心態，回歸之後，香港都冇辦法主宰自己命運。呢兩個字，代表香港人嘅身份，要做番香港嘅主人。」
追求公義是核心價值
中大社會學系畢業的李瀅銓，先後於民間團體及國際救援組織工作，協助基層勞工及婦女爭取權益。追求公義，從來是她的核心價值，「平等價值，唔係有權有勢嘅人先有」。人民當家作主，她謂乃普世民權，對應今日香港的現況，感受尤深。
「冇民主普選、暴力升級，新聞自由進一步收窄，香港人冇理由再沉默落去……」就如馬尼拉人質慘劇，經歷三年八個月，獲一句道歉，有些人或覺無足輕重，但她就認為很值得，這份堅持，也許就如爭取普選，「6.22全民公投，我一定會投票，我哋嘅未來，係靠自己爭取，唔需要任何人賜予，如果連自己都放棄，肯定冇成功嘅一日」。
改編自《Do You Hear The People Sing》的《問誰未發聲》，《蘋果》早前發起一人一句、全港串聯，至今已經收到約950人自拍短片投稿「今日我發SING！」活動細節可瀏覽《蘋果》facebook專頁（ http://fb.com/hk.nextmedia）。
【我撐公投】毅行直播
網頁: http://622popvote.appledaily.com