歷時七日嘅毅行爭普選今日就完結，點知喺呢個結束日，一班乳鴿卻聯同工黨另起爐灶搞小毅行，朝早8點開始喺香港仔利東邨出發，經海怡、鴨脷洲西邨等，終站係華富邨，預計兩個零鐘行完，據聞除咗白鴿黨南區四位乳鴿區議員，工黨副主席何秀蘭亦會參加呢次小毅行。因乜解究要同大毅行人士分道揚鑣？乳鴿羅健熙話呀，由於大毅行路線唔經香港仔區，所以專設呢條路線方便區內市民參加。查實羅健熙等人之前已經參加過大毅行，呢鋪可謂大小通殺。而白鴿黨區議員亦喺區內密密宣傳6.22投票，屯門區陳樹英就喺議員辦事處用燈箱，為真普聯三軌方案催票。
【我撐公投】毅行直播
網頁: http://622popvote.appledaily.com