「Ｘ你老母！Ｘ你老母！Ｘ你老母！」
「你係邊Ｘ度嚟㗎！做咩Ｘ嘢來搞我個場！」上述對白，字面睇，應該是MK黑社會大惡鬥，又或者是電影拍攝現場，古天樂劉青雲的火爆對白。
竊聽下去：「你係邊度嘅黑社會！」黑社會雖然都有愛國的，但黑底冇可能這樣起仇家底。再講，出得來行，有頭有面，通晒天，還用問？
唯有竊聽下去：「出聲啦，你頭先好多嘢講，做咩依家好似死狗咁！」嗯，死狗，家下十個香港仔，在強國富表妹眼中，跟十條死狗冇分別。港燦=死狗，為了加強這項身份認證，才有白皮書出台。
「你係咪啱啱嗌咪那個！頭先你唔係好威嘅咩！」嗌咪關乎街頭，要不是遊行就是示威活動了。警察也嗌咪，但警察在新聞媒體鏡頭下，從來不會問候人老母。只是，當示威者被推入警車，窗簾一拉燈一關，男子漢就變臉。示威者在車內被問候，拳腳交加，血流披面。警察故意寸傷者，你個傷口係咪爆坼咋！對方答是，才獲准下車！新界東北發展，有血有淚有胡椒噴霧，原來，還有警隊N咁多個唔見得人的Ｘ！