上月中喺柏克萊大學畢業嘅香港女泳手歐鎧淳（Stephanie、圖），早前接落嘅服裝廣告即將出街，今個星期仲登上香港某雜誌封面，認真威威！畢業後正式轉做全職泳手嘅Stephanie，周五喺美國出戰聖克拉拉格蘭披治賽，同一班香港亞運泳手齊齊參賽，不過，由於佢要趕返香港，以青奧大使身份參加今個月22號舉行嘅奧運跑，所以只會參加100米自由泳，同場對手有「女費斯」法蘭克琳，比賽完後周六就會上機返香港。
今次聖克拉拉泳賽，除咗吸引美國飛魚費斯參賽外，香港隊亦為9月仁川亞運熱身，派出多位準亞運泳手，包括Stephanie、施幸余、謝旻樹、王俊仁同黃鍇威等。
【我撐公投】毅行直播
網頁: http://622popvote.appledaily.com