11歲嘅你有咩成就？對於大部份香港人嚟講，11歲嘅時候應該都仲係天真瀾漫嘅小學生，但係生喺美國嘅香港移民後代Lucy Li（李億、圖）就威威喇，只得11歲但係身高已1米6嘅佢，將會參加今周開打嘅美國女子高球公開賽，成為賽事史上最年輕參賽者，名留青史。
呢位美籍華裔球手嘅媽媽係香港人，而周二出席記者會時束起兩條可愛孖辮嘅李億，面對住眾多傳媒同鏡頭訪問都毫無懼色，應對超淡定，話自己今次參賽唔單止冇感到任何壓力，仲打算落到場比賽時盡情享受，最緊要「have fun」；望子成龍嘅一眾香港怪獸家長真係要學吓嘢喇。
香港高爾夫球總會轄下教練Ducky就話，定居美國嘅Lucy早一、兩年曾經返香港比賽，都有透露想為港出賽，但始終年紀仲細，暫時未有確實回港發展嘅路向。
【我撐公投】毅行直播
網頁: http://622popvote.appledaily.com