人民力量兩子不滿政府強推新界東北，噚日突然向港府「宣戰」，喺立法會大會喪點法定人數不下廿次，政界元秋蔣麗芸忍到夜晚發作，喺點人數期間向立法會主席曾鈺成大呻，話人力兩子「發神經」咁點人數，但其他泛民又唔現身開會，對建制派唔公道喎。元秋受到「委屈」，曾鈺成非但唔理佢，反而好平心靜氣咁同元秋講：「我建議你考慮少啲講啲冇乜用嘅說話，尤其是你個咪，好刺耳。」元秋聽到梗係發爛渣，坐喺個位度不停咆哮，好彩佢呢部份唔係正式發言，否則所有聽會嘅人耳朵都要活受罪。有泛民話面係人哋畀、架係自己丟，唔知元秋收唔收到呢？
識睇 一定睇蘋果嘅足動世盃：
http://worldcup2014.appledaily.com/