《蘋果》噚日俾黑客攻擊網站，搞到公司網絡癱瘓大半日，原來銀行業都俾網絡黑手搞到雞犬不寧。金管局噚日公佈，一日之內，滙豐、中銀（2388）、渣打三大發鈔行，同埋恒生（011）都一齊出現欺詐電郵。以往個別銀行不時遇到呢類情況，同日一齊發生就比較罕見。
有不法之徒噚日發出欺詐郵件，郵件裏面有超連結連接去欺詐網站，務求誘人輸入個人資料作不法用途。呢啲電郵、網站見得多，但今次係一日之內，三間發鈔行同埋恒生一齊被不法之徒利用。
更好笑嘅係，其中有一個虛假電郵，同一時間出現滙豐、恒生同渣打嘅logo，有用開銀行或者信用卡嘅人，除非睇世界盃搞到唔夠瞓，否則應該非常容易發現呢個係虛假電郵。
識睇 一定睇蘋果嘅足動世盃：
http://worldcup2014.appledaily.com/