聞說去年多位國際品牌中國區CEO，因交唔到數被「炒魷魚」。雖然在中央大力打貪下，業績唔好是可以理解；但商業社會好現實，就算是非戰之罪，做唔到target，都要起身走人。業內朋友說，現時絕大部份一線大牌子，已停晒搵舖；至於簽咗租約嘅，都拖得幾耐得幾耐，情願延遲開業。就連這幾年一直堅持高速擴張的Prada（1913），在首季業績遭滑鐵盧後，都表示會檢討一下今年業務指標。
要估算打貪對名牌股有幾大衝擊，咁就要了解貪污行賄的消費，過去究竟佔他們生意額有多大。例如被譽為「送禮之選」的百貨公司預付卡，高峯時期，曾佔百貨公司30%至40%銷售。有分析員亦引述一間國際男裝名牌公司管理層，指送禮生意，曾佔他們營業額逾半。
據講，現時在內地各大高級食府及酒店門外，經常有「有心人」潛伏，只要用手機隨手影到高官們揸貴車、戴名錶畫面，就可藉相片向他們勒索要錢。
所以今時今日，要透過買名牌送禮貪污，已經out晒，真係做都用支付寶好過喇。名牌公司應該面對現實，想等復蘇只會等到頸都長，接受new normal，重整生意策略方為上策。
海迪
識睇 一定睇蘋果嘅足動世盃：
http://worldcup2014.appledaily.com/