論各國央行影響力，美國聯儲局認第二，冇人敢認第一，可惜影響力跟舵手薪酬唔掛鈎！撇除退休金同福利，耶倫年薪僅20.17萬美元（約156萬港元），英倫銀行新近公佈，行長卡尼上任短短8個月都有32萬鎊，即全年計達48萬鎊（約630萬港元），足足係耶倫嘅4倍。
英倫銀行最新年報顯示，被譽為財金界佐治古尼嘅卡尼，舊年7月上場，截至今年2月薪酬連房屋津貼及退休金58.6萬鎊，全年計有87.4萬鎊。
除咗勁過耶倫，卡尼亦都跑贏歐央行行長德拉吉、日本央行行長黑田東彥成條街，冠絕全球主要央行。至於香港金管局總裁陳德霖，佢今年獲續約，年薪由600萬元增至650萬元，花紅上限260萬元，未計其他福利總薪酬最高達910萬元，仲係最肥仔。
【我撐公投】毅行直播
網頁: http://622popvote.appledaily.com