【親子同樂】
除了參加BB體適能課程外，父母在家中也可透過簡單有趣的遊戲，訓練子女肌肉及腦部發展，如擲紙飛機可訓練肩膊力量，看到飛機滑翔，亦會增加兒童的成功感。吹泡泡可訓練心肺功能，一吸一吹時面部肌肉也在做運動，一舉多得。
香港教育學院幼兒教育學系講師黃樹誠指，六歲以下兒童最重要訓練心肺功能，隨着年紀漸長才需加入有關身體協調及耐力的訓練。他指，很多簡單的遊戲也達到此效果，如父母與子女一起拋接絲巾，拍打氣球及吹泡泡，可加強心肺功能。撕報紙可訓練手指及手腕力，「或者將報紙當木板，打開報紙要小朋友打穿佢，再播埋黃飛鴻嘅音樂，咁就好好玩」。
怕污糟影響子女成長
攀爬對兒童有很大益處，可訓練手腳及眼睛協調；身體不同肌肉也在活動，「爬上去嗰下手要有握力，肩膊、背肌同大腿要有力，我個女細個好鍾意去公園爬馬騮架」。父親可當自己是馬騮架，「畀仔女由腳爬上去」。
協康會註冊物理治療師葉舒娜表示，家長可多帶子女到公園盪韆鞦，玩氹氹轉或在攀爬架中爬上爬落。在家中可將枕頭及被鋪做障外物，由他們爬過。小朋友又可撕爛紙張，放在枱上鬥吹，或玩剃鬚膏感受不同質感的東西。 「有啲家長好驚污糟，唔想仔女爬，或者唔想佢哋玩『黐𣲷𣲷』嘅嘢。咁會影響佢哋嘅成長，將來可能有粒飯喺手都覺得污糟，應該畀佢哋試吓」。
《蘋果》記者
識睇 一定睇蘋果嘅足動世盃：
http://worldcup2014.appledaily.com/