去年喺立法會以英文爆粗，喪鬧長毛梁國雄而一舉成名嘅民建聯黨員兼大狀馬恩國，禍從口出俾大律師公會紀律研訊。事隔一年多，最近終於有研訊結果，馬恩國俾大律師公會罰停牌一個月，仲要找埋研訊嘅律師費。
八方噚日問過馬恩國，佢話𠵱家要叫佢做「停牌大狀」，已經得到教訓，自言以後喺公眾場合會注意言行；雖然裁決設21日上訴期，但佢冇上訴呢個打算，索性呢兩個月唔接job，自動停止法律工作喎。到底佢當日講咗乜？八方回帶提提大家，當日自認愛國嘅佢鬧長毛"I am a Chinese, you are not. You are not even a fxxking Chinese!"
【我撐公投】毅行直播
網頁: http://622popvote.appledaily.com