劉德華多年來出心出力支持殘奧運動員，身為香港殘疾人奥委會暨傷殘人士體育總會副會長的華仔，為推動10月在韓國仁川舉行的「2014仁川亞洲殘疾人運動會」，親自出面邀請了五位巨星幫手，與殘奧運動員切磋交流，希望喚起大家支持殘奧。
自2000年華仔獲選為香港地區殘奧代表，擔任領隊參加悉尼殘奧會，見證香港痙攣跑手蘇樺偉勇奪金牌後，多年來他全力推動殘奧，但始終大家對殘奧協會認識有限，大部份運動員亦寂寂無聞，身為副會長的華仔於是親自策劃，邀請同樣愛好運動的巨星，與現役的殘奧運動員比賽。
張家輝：全部精英
其中鄭秀文挑戰蘇樺偉玩田徑、張家輝跟李銘業打乒乓球、余文樂與鍾卓庭打籃球、鄭伊健和陳浩源打羽毛球、楊千嬅則聯同楊曉琳、何宛淇玩硬地滾球。平日拍戲空檔打乒乓球消遣的張家輝，日前接受本報訪問說：「我當然支持，殘奧運動員帶畀我哋正能量同堅毅精神，佢哋全部都係精英。」
今次家輝與殘奧代表李銘業打乒乓球，他笑說：「佢唔好彩喇，我曾經都係校隊嚟，我唔會讓佢，奧運！你估大晒呀，我要同佢決戰，哈哈。讀書時日日提早半個鐘返學打波，𠵱家肯定有生疏，惟有考天才波。」問以前有否留意殘奧？他說：「有，殘奧係表揚有殘缺嘅朋友，仍然可以有比賽能力，佢哋唔需要人可憐，每人都係一個勵志故事，你鍾意睇就睇，唔鍾意睇就唔睇，使乜要你援助。」
採訪：皓騫、溫敏芝
【我撐公投】毅行直播
網頁: http://622popvote.appledaily.com