被視為「網絡23條」嘅版權修訂條例喺2012年因坊間極大反彈而觸礁，政府喺今屆立法會捲土重來，提出嘅2014版權條例修訂草案，豁免網民涉戲仿、滑稽、諷刺、模仿嘅二次創作作品。不過，網民好似唔多收貨，版權及二次創作關注聯盟就發起「紅鼻子運動」，諷刺條例將網民當小丑，要搞笑先可以避過法網，噚日聯盟成員仲去到立法會外戴上紅鼻子，手持「網絡廿三條處處蕉皮」嘅示威牌請願，莫乃光、陳志全、何秀蘭等泛民議員都有戴紅鼻響應（圖）。聯盟仲呼籲市民upload自己戴住紅鼻子嘅相上社交網站，以「召喚高登小丑神保障言論及表達自由」。
【我撐公投】毅行直播
網頁: http://622popvote.appledaily.com