世界盃分組賽首輪經已打完，各隊都已經粉墨登場。大家睇咗咁多場波，唔知有冇為邊隊或者邊位球星而鍾情呢？相信梗有一啲球隊令你失望，亦有某啲球隊令你感到驚喜。
干尼大隻有魅力
希臘雖然一上場就輸俾哥倫比亞3:0，論表現的確未如理想，昔日冠軍風采不再。不過如果球迷們鍾意睇型仔球員，其實希臘班兵又幾好睇㗎！下場希臘會對日本，請大家留意吓7號既長毛仔森馬拉斯同8號既壯男彭拿基奧迪斯干尼（圖），兩位中前場球員都好有魅力。相反，意大利又冇預期中咁「得」，當然期望越高，失望自然越大啦！不過可能係因為上場比賽嘅正選陣容比較少帥哥，惟有期待睇後備上場嘅阿古蘭尼同恩莫比尼幾位無庸置疑嘅美男。
醫院波累街坊
今日就講吓咩叫「醫院波」。意指球員處理難度唔高嘅傳球嗰陣，角度、力度等半天吊，令隊友好難接應，因此引起同敵方碰撞或拉傷，所以就叫做醫院波，累街坊。
文：陳婉婷
太陽飛馬助教
識睇 一定睇蘋果嘅足動世盃：
http://worldcup2014.appledaily.com/