有冇試過上到巴士，車廂逼過沙甸魚罐頭，但望吓望吓就發現，其實車廂後半截，鬆動到可以跳舞呢？呢啲情況特別喺短程路線成日出現，事關個個人都覺得車程短，懶得行入車廂中間或者上上層。
新民黨副主席田二少都發覺呢個問題，佢話唔少住喺荃灣嘅九巴39M同39A嘅搭客都向佢投訴過呢個情況，覺得車廂前擠後「吉」好嘥位，所以佢就同九巴一齊諗計，終於有個建議出咗嚟，就係可以將中門落車位都擺埋八達通機，俾市民由嗰度嘟卡上車。噚日朝早二少仲親身去到荃景花園巴士總站，同九巴職員一齊視察，仲即席變身站長，指導吓市民點樣可以喺落車位拍卡上車。
識睇 一定睇蘋果嘅足動世盃：
http://worldcup2014.appledaily.com/