人怕出名，豬怕肥。上周五晚成功攔截保皇黨，等佢哋唔可以喺立法會地底停車場「捐」走嘅人民力量主席袁彌明，繼俾警方拘捕後，近日又被盛傳攞番美國綠卡，但Erica噚日同八方講，絕對冇申請綠卡或者美國護照，仲話知道係邊個唱佢㖭！早前為咗參選立法會而放棄美國護照嘅佢仲話呀，如果唔信，可以放長雙眼等2016年立法會選舉咪得囉。
原來Erica喺2012年去關島旅行，都係用特區護照咋，而佢未婚夫林雨陽亦都冇美國護照，換言之亦唔可以透過嫁人而入籍啦。近日受政治打壓嘅Erica仲喺fb叫粉絲放心，「唔硬淨就唔係我啦」，話當日被拘捕前，有六個重案組警員上咗佢屋企人以及朋友嘅屋企搵佢，搞到自己冇晒心情shopping喎。
【622公投 我撐普選】 毅行直播
流動版網頁︰ http://622popvote.appledaily.com