蘋果動新聞首屆舉辦的「蘋果創意動廣告大獎」昨日在Sky100舉行，今次頒獎禮找來森美擔任司儀，經過多位資深廣告界人士評審下，結果Best Media Agency由OMD Hong Kong奪得，而Best Creative Agency則由TBWA奪得，他們分別從郭富城和楊千嬅手中領獎，兩人深受現場人士歡迎，爭相邀請合照。
城城在台上透露最希望可以拍洗頭水廣告，事後他笑說：「我有咁多頭髮，唔拍就好浪費。」他更稱就算半裸上陣都不介意：「平時操練得咁辛苦，都係想喺工作上有需要嗰陣可以展露，但相信唔使露股罅。」城城亦想拍汽車、遊艇以及科技產品的廣告，事關這類廣告比較少接觸。談及工作，城城稱忙於籌備自己執導的電影，戲中有浪漫的纏綿戲份，但女主角的人選仍未落實。
Torres送杯畀爹哋
同場的千嬅亦被問到有傳吳彥祖因在美陪伴病危的媽媽，所以決定解散經理人公司，千嬅說：「我冇聽過，上次見面都係喺電影，我唔知佢媽咪身體嘅事，其他嘢等佢自己交代。」在剛過去的父親節，千嬅稱三代同堂一齊慶祝，問到囝囝Torres送甚麼給爹哋，千嬅說：「都係啲手作仔，喺playgroup整咗個杯畀佢，有一次我哋陪佢返學，阿囝榨橙汁，點知榨咗一半爹哋就搶咗嚟飲，猛話好感動！」
採訪：文國駿
攝影：葉君海
【622公投 我撐普選】毅行直播
流動版網頁： http://622popvote.appledaily.com