6.13立法會爆發反新界東北激烈示威，續集將會在6.20上演。土地正義聯盟朱凱迪從反高鐵前鋒，變成反東北後衞，見證不義政制如何把社運推向激進。他認為更激進的行動，應留給往後的民主運動。站在佔中大後方的普羅大眾應把握機會，在6.22透過選票發聲。
反高鐵一役，朱凱迪形容是敗了一仗，「當年冇試圖入去立法會停佢個會，反而係投完票先包圍」。見證反高鐵一役的年輕人，不欲在東北重蹈覆轍，「如果冇6.13，東北方案已經過咗。政府要明白激烈狀況可以避免，6.20唔應該發生，否則係不能迴避嘅硬着陸。市民已經覺得6.13（粗暴剪布）唔啱，咁6.20可以點呢？唔通大家坐喺度睇住佢過咩？」
6.13示威值得佔中借鏡
朱凱迪認為，6.13示威在組織力量下，已尚算「節制」，值得佔中借鏡，但同時帶來隱憂，「東北打咗一輪，會唔會嚇走啲人？但係之後要搞公民抗命喎，東北係現實處境，你唔可以帶住泛民嗰種潔癖去諗佔中。東北好歡迎各方支援，咁佔中歡唔歡迎？你會唔會問最前面嗰個係咪熱血、自治嘅人？咁你嘅群眾力量喺邊度嚟？」
朱凱迪把佔中比喻為焗麵包，6.22就是按啟動掣，「搵晒靚材料整，擺埋入焗爐，市民要㩒個掣，大家先至有得食」。這是目前唯一機會，讓公民社會彰顯過去一年多匯集的能量，「如果市民唔想煩，6.22已經係最唔煩嘅行動。你一日上網都上幾粒鐘啦，download個app㩒個掣有幾難？」
自從女兒不遷兩年多前出生，朱凱迪退下前線，為反東北陣營作後盾。他恐怕女兒成長的環境會更艱難：篩選式普選下，特首政績差劣，手握權力卻更大，「但係唔代表冇咗民主運動。我𠵱家做嘅嘢會累積畀下一代繼續行，佢會繼續爭取有尊嚴嘅生活」。
記者 白 琳
【622公投 我撐普選】 毅行直播
流動版網頁︰ http://622popvote.appledaily.com