鄭伊健與黎姿這對《古惑仔》好拍檔日前為近日hit爆全港的1600熊貓快閃保育推廣活動「合體」，「浩南」伊健與熊貓在旺角西洋菜街晒馬，而「細細粒」黎姿就為紙熊貓在其開設的皮膚護理中心做facial，十分搞笑。黎姿自言三名女兒都十分愛熊貓：「三個女同我一齊都好鍾意熊貓，每次去海洋公園都要去熊貓館，我俾佢哋睇我同紙糊熊貓合照，佢哋好興奮話要跟我一齊領養呢班紙熊貓BB。」
問到黎姿有否教囡囡保育，她表示：「𠵱家學校都會教佢哋保育，尤其係環保方面，放假時，佢哋會用舊物做啲小工藝，好似紙巾盒、相架同花樽，好有心思。」她透露更會帶三個女去農莊：「會一齊耕種，去探訪同餵小動物，等佢哋知道農夫辛苦同珍惜食物，同識愛錫動物，又可以有新鮮空氣呼吸。」
娜姐為伊健傷心
此外，伊健與周秀娜（Chrissie）昨日為合作的愛情片《分手100次》補開鏡儀式，伊健笑言：「我同Chrissie第一次合作，比較生疏，但我會好好同佢培養感情，情侶之間要做嘅事都會做晒，演戲冇所謂啦！」在旁的娜姐笑指培養的不是感情，而是傷心情緒，她說：「講我同伊健成日鬧交，有好多內心感情戲。」
撰文：唐如
識睇 一定睇蘋果嘅足動世盃：
http://worldcup2014.appledaily.com/