有男神黃曉明與名模林志玲做代言人嘅內地內衣產銷商都市麗人（2298）正在招股，明日截止認購，但係未上市先蝦碌。話說公司前晚漏夜出通告，指招股書中文版出現一處疏忽手民之誤，有關股息政策嘅段落，寫住「按任一財政年度本集團可供分配純利不超過30%按年宣派及派付股息」，不超過30%，應該係「不少於30%」先至真。
「不超過」與「不少於」確係差之毫釐，謬之千里，有意認購嘅投資者睇到呢一點可能有唔同嘅考慮，如果派息唔超過30%咁少，除非預計呢間公司掛牌後即刻大升，有得炒，否則未必會諗；唔少於30%嘅話，管理層都有多少少誠意搵小股東認購。
每年6月底前都有大堆新股趕住招股，免得要更新財務報表，唔排除今次就係公司趕得滯而睇漏眼喇。
識睇 一定睇蘋果嘅足動世盃：
http://worldcup2014.appledaily.com/