文化中國（1060）噚日召開股東特別大會，表決阿里巴巴入股同埋改名為「阿里巴巴影業」，主席董平同埋阿里巴巴委任嘅新董事都冇出席。不過，小股東依然有好多問題，一名小股東問管理層，公司點解要改名，點知執行董事趙超只冷冷回應：「看一下股東通過函吧」，搞到呢位小股東相當無奈。而呢位冷待小股東嘅董事，佢嘅姐夫咪就係董平囉。
另外，公司委任國際武打巨星李連杰任獨董，有小股東問董事局日後搵李連杰開戲會否只局限武打片，同埋公司會否進軍電影以外嘅其他文化產業，例如古董投資。管理層重申，跟李連杰只係訂立董事合約，未有訂落電影上嘅合作協議。股東若然對公司業務發展有乜建議，可留待下次股東會跟阿里的新管理層溝通咁話。
識睇 一定睇蘋果嘅足動世盃：
http://worldcup2014.appledaily.com/