【動Fun】每個人都有自己心入面最仰慕嘅男神女神，可惜話明係神，好多時都只可遠觀而不可．．．但如果．．．（只是如果），有機會與他們結婚生仔，你又敢不敢試？生出來的小寶寶，又會是甚麼模樣？
一眾藝人日前便齊齊試玩相片合成BB，與心中男／女神樣貌配對，看看會生出甚麼樣的未來BB。
本身已經是星二代的曾國祥，憑天賦獨特品味，二話不說，用堅定的語調挑選出高登女神魯芬和他合成「星三代」BB。結果，二人的「結晶品」擁有一雙大眼睛，令他摸不着頭腦，十分疑惑究竟BB的精靈大眼從何而來，「或者係負負得正啦！」對於「星三代」BB似足魯芬，他笑不攏嘴說：「可能芬姨太強勁喇個基因，所以壟斷咗成件事！」
另一位星二代黃芷晴便鍾情周柏豪，「（合成出來的BB） 靚唔靚o架？我會唔會醜化咗柏豪o架？」又認為合成出來的BB鼻子最似自己， 「個鼻頭都係圓圓o地！」
動主播CK和Jasmine亦對合成結果非常好奇，日前親身到旺角的流動遊戲車試玩，結果欲罷不能，「製造」出一隊足球隊。
現場途人亦對「流動分娩車」非常好奇，一雙雙情侶紛紛站到螢幕鏡頭前試玩，大部份也對合成結果很滿意，有廿四孝老公更聲言將來BB樣貌像爸爸或媽媽也沒所謂，最重要母子身體健健康康，冧爆老婆。
說到照顧懷胎老婆的招數，一班星爸自有一手。丁子高當年便經常陪着千嬅看笑片，「佢個心情最緊要開朗囉」。
至於已有兩個寶貝女的張晉就表示，最重要是照顧老婆的需要，即使Ada（蔡少芬）懷孕期間隨時半夜想食咖哩等食物，亦會盡量滿足，縱然很多時Ada吃兩口已經去了吐，「我覺得最大要愛錫佢嘅，就係情緒上面。」
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun
識睇 一定睇蘋果嘅足動世盃：
http://worldcup2014.appledaily.com/