「洋參大王」楊永仁一手創辦嘅恒發洋參（911）今日公開招股，噚日投資者推介會嘅焦點，除咗係搵嚟藝人廖碧兒撐場之外，仲有同樣好靚女嘅楊永仁女兒，都有到場支持爸爸。
幫手賣燕窩
楊小姐透露，已經幫緊爸爸手打理生意，但就唔係搞花旗參，而係燕窩。查實佢咁靚女，實行做生招牌都得喇。
罕有露面嘅楊小姐今年只得26歲，噚日無論中午嘅投資者推介會、抑或下午嘅記者會，都有現身係台下撐爸爸。雖然楊小姐全程表現低調，但都大方透露自己現時跟緊爸爸學做生意，先打理住燕窩業務，或者遲啲先加入公司。
阿女生得靚，48歲嘅楊永仁一樣養生有道。佢伺機硬銷產品，話自己保養得咁好，就係靠日日飲參茶，仲笑住叫男記者摸佢塊面感受有幾滑，對方當然唔制喇。楊永仁曾話自己都可以做公司代言人，不過噚日就話唔排除搵廖碧兒喎。
識睇 一定睇蘋果嘅足動世盃：
http://worldcup2014.appledaily.com/