自從韓劇《星星》嘅出現，再引起香港一陣韓風熱潮，咁唔知大家又有冇留意南韓踢世界盃呢？既然韓風咁勁，當然都要介紹吓世盃嘅韓星陣容，等各位講完金秀賢都可以講吓金英權、金甫炅。
奇誠庸打得又睇得
先講年僅25歲嘅新隊長具滋哲，係上屆倫奧銅牌功臣之一，近年表現穩步上揚，被教練洪明甫視為南韓末來支柱。仲有佢嘅中場拍檔、近年喺英超搵食嘅奇誠庸（左），除咗能夠喺中場助攻助守，仲有韓星嘅外表同魅力，吸引唔少女球迷支持。呢對拍檔上年都已經修身齊家，專心足球事業。唔睇有型嘅話，不妨留意下可愛型嘅鋒線新力軍孫興民，今季喺利華古遜表現優秀，擁有傳統小眼睛同迷人笑容，期待佢喺世盃爭取表現機會。
咩叫世界波？
南韓唔知係咪食得人蔘多，出名體能好，希望周二對俄羅斯都可以保持到好嘅水準，送番球「世界波」（意指高水平世界級的入球）畀我哋香港追韓星嘅球迷啦！
文：陳婉婷
太陽飛馬助教
【622公投 我撐普選】 毅行直播
流動版網頁:
http://622popvote.appledaily.com