律師會會長林新強上次見記者時唔肯答英文問題，畀法律界恥笑咗好耐，佢噚日再次見記者，第一條記者提問，就係英文問題，或者經過上次教訓啦，佢終於肯開金口，用英文回答問題啦，啲英文都算係見得人。但唔知點解，之後有記者用中文跟進提問，佢就話自己已經答咗英文，好似唔想再答咁。好彩副會長即時同佢咬耳仔，叫佢要答，佢先至死死氣再答番。林新強仲講到之前律師會就南海主權爭議發咗個聲明，結果引起一啲迴響，佢話愛國愛港，係每一個香港人責任。「係呢個問題上，律師會係唔會接受任何批評」，相當有霸氣。
識睇 一定睇蘋果嘅足動世盃：
http://worldcup2014.appledaily.com/