新一代社運歌《問誰未發聲》熱爆，港九拯溺員工會總幹事郭紹傑日前都加入全城齊唱行列，他認為工會猶如社會縮影，若「大家都唔出聲，最尾係整體一齊受剝削」，所以要捍衞權益，不能沉默，「要爭取就一定要行出嚟！」
郭紹傑一向勇於發聲，為救生員爭取權益，經常面對傳媒，但其他工會會員卻未必習慣。郭紹傑原已相約幾名會員一同接受訪問，齊聲唱《問誰未發聲》，但最終全部失約，鏡頭前餘下郭紹傑，他苦笑說：「好可悲，中國人都係咁，好沉默。」
10年來，救生員人手問題仍未解決，是郭紹傑最常曝光的議題，他慨嘆：「唔係普選產生嘅政府，根本唔使聽我哋意見，係都要一意孤行！」郭紹傑深明癥結所在，「我哋係要公民提名，唔係阿爺畀三個爛橙我哋，要我哋自己揀。」
無悔棄做美國公民
民主自由對郭紹傑並不陌生，只因他曾於自由國度生活多年，八十年代往美國投靠父親，一待10多年，持有美國綠卡的郭紹傑，開過餐館，曾擁兩架跑車，只差宣誓便可成為美國公民，但他直言「真係冇諗過喎！」
生活優渥的他選擇於回歸後返港，從家住1,600呎洋房，變成蝸居幾百呎單位，儘管如今香港風高浪急，卻依然無悔，「我愛香港，呢度係我屋企！」
儘管中央拋出白皮書恫嚇港人，郭紹傑仍無懼，「至緊要大家出嚟爭取，我好相信，一定會爭取到普選！」改編自《Do You Hear The People Sing》的《問誰未發聲》，《蘋果》早前發起一人一句、全港串聯，至今已經收到逾860人自拍短片投稿「今日我發SING！」活動細節可瀏覽《蘋果》facebook專頁（ http://fb.com/hk.nextmedia）。
【622公投 我撐普選】 毅行直播
流動版網頁︰ http://622popvote.appledaily.com