環保組織「綠色和平」嘅國際財務部最近炒咗一名炒燶外滙嘅員工！係，你冇聽錯，唔係華爾街大行，而係慈善環保組織。
為維持獨立性，呢個組織唔接受政府或企業捐款，意思即係輸嘅都係善心人嘅錢。
緣色和平通訊主管Mike Townsley話，好多好似綠色和平嘅國際機構，都會同第三方經紀協議，以固定利率買入外滙，以對沖滙率波動。但今次係有一位綠色和平財務部員工，錯誤判斷又冇跟程序做嘢，越權進行交易，結果累組織輸380萬歐元（約4,000萬港元）。
綠色和平話，冇證據顯示呢位員工有任何私人利益，已經炒咗。組織向各位善長仁翁道歉，話會進行內部調查，繼續研究所有可能出錯嘅程序，有信心可以改善財政監管，確保以後唔會再出事。
不過咁搞一搞，綠色和平即將公佈嘅2013年年報，就會出現預算案赤字高達680萬歐元；組織舊年收入7,290萬歐元。
【622公投 我撐普選】毅行直播
流動版網頁:
http://622popvote.appledaily.com