毅行爭普選最大得益者其實係商界！大家唔使驚訝，八方講緊嘅係大大小小嘅運動店。話說大部份參與毅行嘅，平日都相當好靜，今次毅行日行幾十公里，第一件事就係買鞋！
馬丁前日行到腳痛，噚日佢就好開心咁同八方分享買咗對Nike新鞋，仲話行得好舒服。陳日君樞機嗰對都係Nike，樞機仲話有醫生陪佢買，唔怕買錯！
女將方面，Tanya平時有行開山，連日見佢一身運動裝備，就知有料到冇有怕。不過Audrey就辛苦啲喇，佢透露喺Tanya介紹下，去咗間行山專門店買新鞋同厚襪，仲揀咗代表公民黨嘅紫色。佢又話阿囡成日話佢唔做運動，每年生日同母親節都買運動褲俾佢，今次終於用得着。
識睇 一定睇蘋果嘅足動世盃：
http://worldcup2014.appledaily.com/