世界盃，除了球星熱，大埔LuLu（董嘉儀）都好hit，被譽為球壇明燈的大埔LuLu，在世界盃開鑼至今百發百中，先後燈死克羅地亞、西班牙及英格蘭。最誇張是昨日科特迪瓦對日本的賽事，原本上半場日本領先一球，中場休息時，大埔LuLu在facebook貼出自己穿上日本隊波衫洗碗的相片，結果下半場科特迪瓦2比1反勝日本隊，「燈神」威力，真是非同凡響。有網民更直指想買大屋、住洋樓、養番狗，都要靠「燈神」大埔LuLu明燈指引。
「好多人問我攞貼士」
作為《蘋果日報》動燈女神的大埔LuLu，在世界盃開鑼日已推介揭幕戰巴西對克羅地亞的賽事，身穿克羅地亞球衣的她力撐球隊不敗，結果巴西輕取克羅地亞3：1。前日的西班牙對荷蘭大戰，LuLu再度發功捧西班牙可以替荷蘭埋單，結果西班牙被荷蘭大炒5：1。昨日英格蘭對意大利的大戰，LuLu則力挺英軍，結果英格蘭慘負1：2，令所有英格蘭死忠粉絲同聲一哭。
本報記者昨日致電大埔LuLu，對於「着邊件，死邊隊」，她說：「我覺得大家多個話題，啲人好鍾意問我攞貼士，兩年前啲人都叫我唔好着嗰隊喇！最近世界盃可能啲貼士比較準，啲人都好想問我攞貼士。真係要暫停一陣，但係都會keep住，間唔中都會有貼士。」至於有網民表示買大屋靠「燈神」，她笑說：「係囉！我自己未買樓，竟然話買樓靠晒我！」
百着百中的燈神LuLu今屆力捧德國隊，對於今晚深夜德國對葡萄牙的賽事，她考慮穿敵隊波衫，她說：「我會考慮吓，我要嘗試吓着葡萄牙波衫，星期二凌晨12點鐘，着吓對家波衫，力撐我自己嘅德國隊，我覺得德國贏葡萄牙2比1，大家記得買波膽喇！我會喺我facebook着，大家密切留意。」
採訪：楊潔雯
識睇 一定睇蘋果嘅足動世盃：
http://worldcup2014.appledaily.com/