全城追蹤小三行蹤，熱論旺角飛椅，今年2月才滿18歲的陳欣裕卻和同學講呢啲：「6.22有個投票喎。」換來一副副「關我乜事」的表情。「其實人哋有小三，都唔關我哋事㗎？普選，我哋應該表吓態。」難得有以票發聲機會，她成年後第一張「選票」，鐵定送給和平佔中，「6.22我一定會投票」。
大概一年前，陳欣裕看到戴耀廷稱會公民抗命，表明可「以法達義」。「我當時好奇怪，點解一個法律學者、咁溫和嘅人，會話要去違法？咁以違法方式去爭取社會公義，又係咪啱㗎呢？」她特別為此翻查法例、參閱報章，發現運動意義，旨在彰顯公義，「所以理解（佔中三子）要做啲嘢去爭取」。
雖然支持佔中運動提出爭取普選目標，但她對佔中這個手段有保留，憂運動會被騎劫，但明言不會錯過6.22投票。「無論投乜都好，都係一個表態，而我覺得呢個係我哋僅存嘅空間，係三子呢一年嚟努力爭取返嚟嘅。如果自己都唔投票，係自己剝削緊自己嘅權利」。
「唔投係剝削自己權利」
小妮子坦言對香港政治制度不熟悉，只有最簡單的希望：香港市民有更多選擇權、擴闊市民的參與度，冀有一個真普選。「雖然今次唔係一個有約束力嘅選舉，但係卻係一個訊號：要畀中央政府知道，我哋呢班人對未來係有一個想法、係一個理想嘅圖畫，而唔係我哋冇所謂囉。」
當82歲的天主教香港教區榮休主教陳日君樞機也毅行爭普選，現為香港李寶椿聯合世界書院一年級生的陳欣裕，更希望年輕人以票發聲，「既然（和平佔中）畀咗個機會我哋發聲，都係一個表態機會，一人嗰一票嘅力量可能唔係太多，但如果人人都投入去諗吓、去表態，如果有高投票率，相信中央係會聽」。
記者 許偉賢
【622公投 我撐普選】 毅行直播
流動版網頁:
http://622popvote.appledaily.com