世界盃開鑼後，股市水靜河飛，平日「貼股」的大行亦加入森巴世盃狂熱，預測邊隊最具冠軍相，捧盃大熱門為巴西、德國、阿根廷和西班牙。不過，如果各國球隊不用純足球技術過招，以「軟實力」比併，賽果會否爆大冷？
《華爾街日報》並非獨沽一味講財經，為迎合世界盃熱潮，特地為32支入圍球隊進行另類大競賽。在70分項比併中，與經濟關連度最高是人均GDP和失業率。按人均GDP計，籃球發展勁過足球的美國最高，錄得5.31萬美元（約41萬港元）。相反，人均GDP最低是球員肌肉發達的科特迪瓦，僅1,818美元（約1.42萬港元）。至於失業率最高是波斯尼亞，達44.3%；失業率最低為瑞士，僅2.9%。而最關乎世界盃的比拼包括預賽入球最多的國家，德國以平均每場4.5球稱王。而入球最少竟是上屆盟主西班牙，平均每場入球僅0.4球。
除有趣統計，大行亦加入競猜盟主誰屬。較早前，高盛預測巴西可佔主場之利捧盃。另外，高盛亦睇好黑馬——中國隊。研究報告提到，中國國家隊未能入圍只因職業球員太少。雖然北京和上海兩個城市合計人口已多過荷蘭，但全國職業球員人數只得其他國家一半。不過，中國隊並非無希望，高盛樂觀估計只要36年，即2050年中國可望在世界盃奪標。未知馬雲入股的廣州恒大足球隊，屆時準備好未?
C+B
本欄逢周一刊出
識睇 一定睇蘋果嘅足動世盃：
http://worldcup2014.appledaily.com/