卓悅（653）老闆葉俊亨（Wilson）最近好似幾旺喎，上星期約埋搞緊「網上又一城」嘅香港電視（1137）主席王維基傾合作，佢名下馬仔「齊大勝」噚日又跑出。可惜佢本人冇去馬場，冇法親身拉頭馬，由米蘭站（1150）老闆姚君達同埋「董事長」馬主董惠華代佢喺凱旋門影相。
Wilson與姚君達同為馬主，又都係做零售業，識得唔奇，只係估唔到兩人老友到可以幫對方拉頭馬影相。反而姚君達與資深投資者董惠華就不時合作投資物業，仲一齊買團體馬㖭。
講番馬仔，Wilson隻「齊大勝」噚日跑第5場，隻馬贏得清脆利落，反觀同場佢死對頭莎莎（178）老闆郭少明家族名下「美的人生」就再次大熱倒灶。
除咗「齊大勝」，Wilson名下仲有隻「齊喝采」，「齊喝采」早前贏過兩次，換言之，今季未完，Wilson已經拎咗三筆頭馬獎金，馬運相當唔錯。
識睇 一定睇蘋果嘅足動世盃：
http://worldcup2014.appledaily.com/