【今日我最懵】
世界盃開鑼幾日，全城氣氛熱烈，渣打認股證銷售副董事、「小飛俠」林燕玲（Ruby）為幫公司宣傳，都罕有以球衣look現身。不過Ruby話，佢平時只係有足球大賽先趁熱鬧捧場，本身對足球認識唔多，連影相當日自己着住邊隊國家隊嘅球衣都唔知，認真懵。
渣打本月底贊助一個財經節目嘅投資論壇，趁世界盃搞花臣，加插球賽評論，所以平時一身行政人員look嘅Ruby，少有以巴西作客波衫look現身，影宣傳相。
講到愛隊，Ruby話係外表同球技都出眾嘅英格蘭，捧場都係因為情意結，講實力，佢認為阿根廷機會大啲。之但係，點解佢影宣傳照當日揀着巴西波衫呢？佢竟然話唔知自己着咗乜衫，只記得係藍色！周日朝早嘅英意大戰，佢都因為敵唔過睡魔，冇捧場。
【622公投 我撐普選】 毅行直播
流動版網頁:
http://622popvote.appledaily.com