今次影帝鬥估波膽，郭富城率先估中昨日英格蘭對意大利大戰的1：2波膽，準到咁，當然3分袋袋平安，他說：「覺得意大利有贏面啫！而事實上整場賽事中，意大利嘅攻守俱佳，實在係踢得好，贏得合理！」至於張家輝就估中意大利獲勝，都有1分。今晚上演的G組大戰德國對葡萄牙，兩位影帝各有所好，張家輝就估德國贏，城城就睇好有C朗撐場的葡萄牙，今次真係要踢過先至知啦！
德國VS葡萄牙
張家輝：【2:0】
我另一愛隊德國出場喇，葡萄牙雖然有C朗，但足球係打11人，德國隊年輕有活力，整體戰同小組滲透贏晒，一口價2：0。
郭富城：【0:3】
睇番過去幾日賽事，都偏向大比數交易，今場都估大比數少少，葡萄牙有C朗助陣，優勢大啲，入到三粒冇問題！
世盃星戰遊戲規則：
每周揀選兩位明星對賽，每天預測其中一場比賽賽果，估中賽績（勝、負、和）得一分，估中波膽得三分，一周後累積得分最高者勝出。
識睇 一定睇蘋果嘅足動世盃：
http://worldcup2014.appledaily.com/