昨日香港時間凌晨三點開波的世界盃B組大戰，荷蘭最後5:1大勝衛冕冠軍西班牙，令不少熱捧西班牙的藝人跌眼鏡，嫁雞隨雞的梁詠琪（GiGi），因為老公Sergio是西班牙人所以支持西班牙隊，今次球隊慘敗，GiGi在微博上留言寫道：「西班牙隊出師不利，鬥牛勇士不及上屆勇，但一次失敗不代表甚麼，也無損週（周）末心情，照樣嘆杯咖啡，享受一下陽光，再繼續寄望下禮拜對智利時，能大放異彩（采）吧！」
賽果出乎意料
至於擁有荷蘭血統的張致恒昨日有看球賽直播，他表示自己當然支持荷蘭，但最初都估西班牙贏，因為他們的攻擊力一向強勁，他說：「一心諗住荷蘭做好啲防守，唔好輸咁多已經好好，估唔到佢哋今次不斷進攻，同朋友喺酒吧睇，因為太興奮，叫到把聲都沙晒。」
楊千嬅將囝囝英文名改做Torres，同西班牙球星一樣，但原來她和老公丁子高都不是球迷：「雖然唔睇波，但幾鍾意世界盃，因為平時周六、日老公都會約啲朋友去唱Ｋ，𠵱家開波冇人理佢，佢仲多咗喺屋企㖭 !」而任達華昨日在馬鞍山出席活動時亦說：「好刺激，我估荷蘭贏，但係冇諗過會贏咁多，場波都好好睇。」身在上海的孫耀威則大讚荷蘭表現好，亦感覺球隊本身好有自信。
採訪：小米、溫敏芝
識睇 一定睇蘋果嘅足動世盃：
http://worldcup2014.appledaily.com/