瑞士今晚將與厄瓜多爾火併，希望藉住外圍賽首名出線嘅勇勢，力爭E組嘅首3分落袋。呢場波係一定要睇，點解？因為瑞士唔止風景優美，糖同朱古力都好甜美，更重要嘅係瑞士人都一樣咁靚仔。瑞士隊當中，雖然出名嘅球員唔算多，但帥哥就認真唔少。
瑞士都有美斯
今日揀左四大才子介紹畀各位，全部係20出頭嘅新秀。首先係後防勇將法比安舒哈，於巴素利表現漸見成熟，而兩位中場新星格列沙加及梳頓沙基利（圖）相信會喺世界盃力爭表現，前者天份極高，係德甲最佳防中之一；後者被指係瑞士美斯，過關斬將能力驚人。仲有唔少得前線嘅9號仔祖斯比迪米斯，今季喺德甲盡顯其把握力之高。4位分佈前中後三線嘅才子外貌英俊不凡，又活力充沛，一定值得大家捱夜睇波。
咩叫賣老抽？
球場上「賣老抽」係指球員體力耗盡時出現抽筋情況，瑞士有多位年輕球員在陣，體力應該不成問題，相信出現老抽嘅機會唔高！
陳婉婷
太陽飛馬助教
識睇 一定睇蘋果嘅足動世盃：
http://worldcup2014.appledaily.com/